今日趕到去輕鐵站,又睇住架507走左,無計啦,又要坐的士,成日坐的士返工,真係無諗過會變成咁.今日架車無改過個電子鏢喎,好平!$14咋,之後返到去,買埋兩個奶球返公司啦,又係已經開始開緊當.成日都咁早,攪到我好似遲到咁喎.今日呀超放假,又要我上去頂佢啦,不過上去都幾爽,今日又食兩盒飯啦,食完之後勁眼訓,眼訓到想暈咁呀,到左三點先醒咋,可能飲左coke充電啦..

放左工之後去打波,之後去左打機,之後夜晚同牛奶仔傾電話傾到兩點半,好眼訓呀.

晨咁早去左龍門居到見份part-time，又話係便利店，仲以為係七仔果Ｄ，點知。。。原來係間雜貨店，佢個舖名又真係叫便利店喎，不過我見個老闆娘又幾好人（好似我呀婆咁）咁我諗如果到時仲未搵到工就幫下佢手啦。

之後返左屋企啦，食左Ｄ野，再上網搵下工啦，無份ＯＫ，之後就打下機啦，打到四點到諗住落街打下波啦，點知去到又係好多人，再行過去新場仲多人，前幾日先去完景峰，費事又去搞Ｄ小朋友啦。咁就去左獅子會到打啦??

一行入又見到個煩人！咁我就緊係行遠Ｄ啦，點知佢見到我又走埋黎射波（我又唔係女仔，都唔知走咁埋做乜鬼）仲要幫我改埋花名，週圍問人我似唔似邊個，佢又肥又矮仲成日走過來望住我笑笑口，諗番起佢個樣都想打佢！之後我無采佢，佢好耐先發現我唔想同佢玩呢，點知又見到景峰小朋友，今次佢地係最強陣容喎，睇落三個都有Ｄ料到咁。

之後有人搵我跟隊，仲係個高佬＋一個高過我架眼鏡老兄！（諗住無敵啦）點知個高佬原來費費地shit,個眼鏡老兄又比我想像中cheap...佢地仲比最勁果條〔目咀〕我mark(我防守白痴架嗎）雖然個高佬係籃低架命中率連四成都無，不過好彩個高佬真係幾高，射唔入都可以拎番再射，之後我又要出同一招，都係跳高射波啦又係無人夠高mark我啦（我都唔想屈人架，個高佬唔生性咋）話咁易就贏左第一場啦，之後就對景峰之友，佢地開始就用三分戰術，連入三球，之後再射多幾球就唔入，因為佢地發覺二個人射外圍，得一個人係唔夠我地兩個人拎籃板球，咁佢地就放棄用三分戰術（咁我這時心諗，咁你地就輸緊啦）

個高佬係度玩中距離投射（又唔係準，好心啦）要我咁矮小架人入去拎rebound,咁無計啦，又要使出我架彈跳力，果個正一小朋友，跳盡都阻我唔到。用同一招就入左三球，之弟二個來mark我，我一個急停，佢唔見左，之後我在空中騰空之時眼尾才見到他坐左係度，令我諗左一諗（傻仔！理人咁多仲乜）之後我就集中咁射入左果球，諗住想拉番佢起身架，點知我落到地佢都比佢隊拉左起身。（心裡想：sorry我想贏）之後眼鏡老兄話受傷，要換人喎（有無咁屎呀你）換左個牛記（著牛仔褲）入來我心諗慘了！睇佢射波唔似識打波。點知佢又幾準喎！！勁呀！咁就贏左。

之後有個（癲仔）佢係咁鏟入去撞人，佢好似痴左線咁直衝呀，之後我發覺，原來個癲仔有Ｄ女性朋友同佢打氣呢！唔怪之得咁博命啦，佢外圍又幾準喎，比佢入左四球，因為我mark佢唔到咁就輸左

之後個（癲仔）無晒氣力，Ｄ女性朋友又走埋，咁就輸左了，在休息架時間，我發現左個牛記個樣爆似唱燒餅果個人！（好想笑。。。）果時我好想講出來，不過我用盡力咁控制住自己無講到出來！

之後再出去打，又係用我架彈跳力壓到對手，佢地都有用盡力mark我，不過我好信賴（燒餅）哥哥！比晒Ｄ波（燒餅）哥哥射！佢好準呢！咁又贏左！

又再對返景峰之友隊，今次佢地搵跳得最高果個mark我（我見佢拉到框，咁高我都有Ｄ怕）不過原來得個樣！佢完全mark唔到我！我左轉右轉咁就入左幾球，再架上有燒餅兄！咁就贏左！

又再對番死對頭（癲仔）

今次佢無咁好彩，我同高佬屈住籃低爆佢，咁就收左佢皮！

之後打敗晒Ｄ人打到佢地走晒之後休息左一陣就走了！

今日４：３０ＰＭ諗住落球場射下波，去到獅子會滿座！之後再去新場睇睇，又滿座。

咁就去左景峰到打，見到班小朋友係到打，咁我就坐左係度等一陣啦，等佢地打完先。

之後同另一Ｄ大個小小架細路打，有個巨無霸，個樣好大個，不過佢好斯文，所以比我打敗左，我連勝左五場，打到我Ｄ隊友話累，咁我就坐埋一邊休息一陣。

有一班以為自己好勁架小朋友〔唔知係咪會考生〕佢都幾快，係咁玩左好多花式，佢打敗左個巨無霸〔令我失望〕。

見佢玩得咁開心，就同佢玩下啦，我同巨無霸一隊〔我心諗贏緊〕不過Ｄ小朋友都未知道佢地架實力同我地有Ｄ距離〔想教下佢地都唔明〕

無計啦－－－我一跳佢地唔見晒。佢地都唔服輸，好想贏咁〔我心諗傻仔啦〕

有一球我想入樽〔由於個籃球架勁矮〕，點知騎住左個小朋友，跌左落地下，又整到左手，Ｄ小朋友又唔剪指甲，佢地雙手好似刀咁，又比人戒手炒熟晒Ｄ小朋友之後就天黑！

之後就去左買隻新足球Game.玩落都無乜特別，不過有Ｄ新意，好過玩舊！

四月二日

今日夜晚去左打波呀，Ｄ人約八點但係好似九點先到齊，呀標仲無左影。

個小朋友不自量力，撞埋〔鴨仔〕到，比佢撞到訓左係球場到呀。。。

個小朋友〔高過我〕都算幾勁，不過再次比我同呀熙同豪仔打敗左。

後來同肥仔明打，佢又贏左，之後又比佢串。無鴨仔同佢一隊，睇下佢會點。緊係比我收佢皮啦！